கூண்டு கிளியாய் அவன் தனியே
என்செய்வேன் நான்!
புழுவாய் துடிப்பான் மெழுகாய் கரைவான்
என்செய்வேன் நான்!
நிலவின் ஒளியும், தென்றல் காற்றும்,
சாரல் மழையும், தாயின் மடியும்
வெறுத்து நிற்பான்
மெல்லிசையும் எரிச்சல் என்பான்
எந்தன் பிரிவால்
என்செய்வேன் நான்!
உண்ண மறப்பான் உறங்க வெறுப்பான்
சோம்பல் அடைவான் ஐயம் கொள்வான்
என்செய்வேன் நான்!
எதுவும் நடக்கும் என்றான்
என்செய்வேன்!
காலன் நடத்திச் சென்றானே....
என்செய்வேன் நான்! என்செய்வேன்!???
~சுதாகர்
No comments:
Post a Comment